سرگودھا، قصور میں 3 حادثات، خواتین سمیت 9 افراد جاں بحق، 20 زخمی

سرگودھا‘قصور(نمائندہ خصوصی‘نمائندہ نوائے وقت)ٹریفک حادثات میںخواتین سمیت9 افراد جاں بحق اور 20 زخمی ہو گئے ۔قصور دیپالپور رڈ کیلوں کے قریب ہونے والے بس حادثے میں تین افراد جاں بحق ہوگئے۔نعشیں اور زخمی خاتون کو ہسپتال منتقل کر دیا گیا۔جاں بحق ہونے والے دو بچوں اور عابد حسین کا تعلق ہیڈ سلیمانکی سے تھا۔جاں بحق ہونے والے دونوں بچوں اور عابد حسین کی نعشیں اور زخمی خاتون کو ہسپتال منتقل کردیا گیا۔سرگودھا بھلوال روڈ پر تیز رفتار ویگن بے قابو ہو کر موٹر سائیکل کو کچل کر الٹ گئی جس کے نتیجہ میں موٹر سائیکل سوار رسول آباد جھنگ کا نذیر اس کی بیوی جاںبحق ہوگئے‘ راشد،صفیہ بی بی، محمد نذیر، مصباح بی بی، کوثر پروین، گلزار، نمرہ، کرن عرفان شدید زخمی ہوگئے۔جبکہ سرگودھا ریجن خوشاب سے راولپنڈی روڈ پر تیز رفتار مسافر ویگن موٹر سائیکل سوار کو کچل کر ڈمپر سے جا ٹکرائی جس کے نتیجہ میں خواتین سمیت چار افراد جاںبحق اور9 افراد زخمی ہو گئے جن کو ریسکیو کر کے ہسپتال سرگودھا و خوشاب منتقل کر دیا گیا۔