مانسہرہ (نوائے وقت رپورٹ) مانسہرہ کے نواحی علاقے لساں نواب میں گھر میں گیس سلنڈر پھٹ گیا۔ پولیس کے مطابق گیس سلنڈر پھٹنے سے دو بچوں سمیت تین افراد جاں بحق، ایک زخمی ہو گیا۔ واقعہ کی تفتیش جاری ہے۔ دریں اثناء مانسہرہ میں گورنمنٹ گرلز پرائمری سکول کروڑی بالا میں آگ لگ گئی‘ کوئی جانی نقصان نہیں ہوا۔ آگ سے سکول کی عمارت اور فرنیچر کو نقصان پہنچا۔ مقامی افراد نے اپنی مدد آپ کے تحت آگ بجھائی۔ دور دراز علاقہ ہونے کے باعث فائر بریگیڈ کا عملہ نہ پہنچ سکا۔