حال ہی میں جاری کیے گئے ٹریلرکو اب تک لاکھوں شائقین پسند کر چکے ہیں۔ فلم سنو وائٹ اینڈ دی ہنٹس مین میں ہالی ووڈ کی خوبصورت اداکارہ چارلیز تھیورون بدصورت جادوگر ملکہ کے کردار میں نظر آئیں گی جو کہ شہزادی کو محل سے باہر نکال کر خود وہاں قبضہ کرلیتی ہے،شہزادی محل سے نکل کر بھٹکتی ہوئی ایک قبیلے میں جا نکلتی ہے جہاں وہ اپنے محل کو ظالم جادوگرنی کے قبضے سے چھڑانے کے لئےخود کوایک نئے کردار میں ڈھالتی ہے۔فلم میں شہزادی کا کردار ٹوائیلائیٹ کی ہیروئن کرسٹین اسٹیورٹ نے نبھایا ہے۔سنو وائٹ اینڈ دی ہنٹس مین رواں سال یکم جون کو برطانوی سینما گھروں میں نمائش کے لئے پیش کی جائے گی۔