مسلم لیگی قیادت کا منفی رویہ شکوک وشبہات پیدا کر رہا ہے:عزیزالرحمان چن، راجہ عامر

لاہور(خبر نگار ) نائب صدر پیپلز پارٹی پنجاب عزیز الرحمان چن اور سیکرٹری اطلاعات و نشریات راجہ عامر خان نے کہا ہے کہ مسلم لیگ ن جان بوجھ کر تاخیری حربے استعمال کر رہی ہے تاکہ عام انتخابات کے بروقت انعقاد میں دیر ہو سکے۔ انہوں نے کہا کہ مسلم لیگ ن قیادت کا منفی رویہ شکوک و شبہات کو ہوا دے رہا ہے اور عام انتخابات میں تاخیر کے حوالہ سے تشویش بڑھا رہی ہے۔ انہوں نے کہا کہ مسلم لیگ ن کو اہم قومی امور میں سنجیدگی کا مظاہرہ کرنا چاہئے اور ایسی غیر جمہوری روش ترک کر دینی چاہئے جس کے باعث کنفیوژن کی صورتحال پیدا ہو رہی ہے۔