لاہور (پ ر) لاہور چیمبر آف کامرس اینڈ انڈسٹری نے لاہور چیمبر کے سابق صدر شہزاد علی ملک کو ہائبرڈ ٹیکنالوجی کے شعبے میں بہترین تحقیق پر ملک کا تیسرا اعلیٰ ترین اعزاز ستارہ امتیاز ملنے پر انہیں مبارک باد پیش کرتے ہوئے اسے صرف لاہور چیمبر ہی نہیں بلکہ کاروباری برادری کے لئے قابل فخر اور اعزاز قرار دیا ہے۔ ایک بیان میں لاہور چیمبر آف کامرس اینڈ انڈسٹری کے صدر فاروق افتخار نے کہا کہ حکومت پاکستان کی جانب سے شہزاد علی ملک کو ستارہ امتیاز سے نوازنا ان کی بے پناہ صلاحیتوں اور قومی پرچم کو بلند رکھنے کے لئے کی جانے والی انتھک محنت کا ثمر ہے۔