احمد پور سیا ل( نامہ نگار)شادی کی تقریب میں فائرنگ سے دولہا کا رشتہ دار زخمی،ڈی پی او کی ہدایت پر لیڈی پولیس سمیت اہلکاروں نے ملزموں کوگرفتار کرلیا۔ گزشتہ روز نواحی بستی گھرل میںمیو برادری کی شادی کی تقریب میں مبینہ طور پر محمد عامر،فرحان اور رفیق نے اسلحہ سے فائرنگ کی جس سے دولہا کا رشتہ دار شعیب اختر زخمی ہوگیا۔واقعہ کی اطلاع ملتے ہی ڈی پی او جھنگ لیاقت علی ملک نے ملزمان کی فوری گرفتاری کا حکم دیا جس پر لیڈی اہلکاروں کے ہمراہ پولیس پارٹی نے شادی والے گھر کا گھیرائو کرکے ملزموں کوگرفتار کر لیا۔