لاہور (نیوزرپورٹر)گرین کیپ ہائی سکول‘ فیروز پور روڈکے طلبا و طالبات اور اساتذہ نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان‘ شاہراہِ قائداعظمؒ اوردارِ ارقم ہائی سکول واپڈا ٹائون‘کے طلبا وطالبات ، اساتذۂ کرام نے ایوانِ قائداعظمؒ شاہراہِ نظریۂ پاکستان‘ کا مطالعاتی دورہ کیا اور تحریک پاکستان کی تصویری گیلریز بھی دیکھیں۔ دریں اثناء موبائل نظریاتی تعلیمی یونٹ نے احسن فائونڈیشن ماڈل ہائی سکول‘ گنج بخش روڈاچھرہ‘سنٹرل کالج‘رشید پارک اچھرہ‘‘فرقان پبلک سکول کوٹ عبدالمالک اورفرقان پبلک سکول شرقپور خورد‘ کوٹ عبدالمالک کا وزٹ کیا۔ایوانِ کارکنانِ تحریکِ پاکستان‘ ایوانِ قائداعظمؒ اور تعلیمی اداروں میں مستفید ہونے والے اساتذہ اور طلبہ کی مجموعی تعداد667تھی۔