شیخوپورہ(نمائندہ نوائے وقت)ضلعی انتظامیہ اور ایوان صنعت و تجارت کے زیر اہتمام آل پنجاب میاں عبدالغفور میاں محمد ظہور میموریل بیڈمنٹن ٹورنامنٹ حافظ آباد کے راجہ حیدر اور وسیم سرورپر مبنی ٹیم نے جیت لیا، انہوں نے پہلے سیٹ میں فیصل آباد کے سہیل اور یاور کو18 پوائنٹ کے مقابلے میں 21پوائنٹ سے شکت دی دوسرا سیٹ فیصل آباد کے کھلاڑیوں نے اکیس چودہ سے اپنے نام کر لیا جبکہ تیسرے اور فیصلہ کن سیٹ میں حافظ آباد نے بارہ پوائنٹ کے مقابلے میں اکیس پوائنٹ سے جیت ٹورنامنٹ اپنے نام کر لیا،صوبائی وزیر ڈیزاسٹر مینجمنٹ میاں خالد محمود فائنل میچ کے مہمان خصوصی تھے جنہوں نے چئیرمین شیخوپورہ چیمبر آف کامرس منظور الحق ملک و دیگر مہمانوں کے ہمراہ کھلاڑیوں میں انعامات تقسیم کئے۔