پاپڑیانوالی‘ ملکوال( نامہ نگاران) کار اور ٹرالر میں تصادم سے 2بھائیوں سمیت ایک ہی خاندان کے 5افراد جاں بحق 2شدید زخمی ہو گئے بتایا جاتا ہے کہ مانگا کے رہائشی افضال احمد اپنی فیملی کے ہمراہ موضع وریام جا رہے تھے تھانہ قادر آباد کے علاقہ جوٹ کلاں کے قریب ان کی کار سڑک کنارے کھڑے ٹرالے سے ٹکرا گئی۔ جس کے نتیجہ میں کار میں سوار25سالہ ذیشان‘ 26سالہ رمیض‘ 3سالہ نجم‘ 2سالہ رمشا‘ اور 27سالہ ریحانہ موقع پر جاں بحق ہو گئے ۔افضان اور اس کی اہلیہ شدید زخمی ہیں مرنے والوں میں 2بھائی بھی شامل ہیں۔ اطلاع ملتے ہی تھانہ قادر آباد پولیس موقع پر پہنچ گئی، زخمیوں اور نعشوں کو ڈسٹرکٹ ہسپتال منڈی بہاوالدین منتقل کر دیا گیا۔