شہباز شریف،حمزہ سے ملاقات  آصف زرداری داماد ایسوسی ایشن کے تاحیات چیئرمین: کیپٹن (ر) صفدر

لاہور (اپنے نامہ نگار سے، نوائے وقت رپورٹ) کیپٹن (ر) صفدرنے جمعرات کے روز احتساب عدالت میں  شہباز شریف اور اپوزیشن لیڈر پنجاب اسمبلی حمزہ شہباز سے ملاقات کی اس موقع پر دیگر (ن) لیگی رہنما بھی موجود تھے ۔ ملاقات میں ملک کی موجودہ سیاسی صورتحال پر تبادلہ خیال کیا گیا ۔سابق وزیراعظم نوازشریف کے داماد کیپٹن (ر) صفدر نے سابق صدرآصف علی زرداری کو داماد ایسوسی ایشن کا تاحیات چیئرمین قرار دے دیا۔ نجی  ٹی وی کے مطابق کیپٹن (ر) صفدر نے میڈیا سے گفتگو میں چٹکلے چھوڑے۔ خود کو داماد ایسوسی ایشن  کا جنرل سیکرٹری  قرار دیدیا۔