قصور‘ فیروز والہ‘ حافظ آباد‘ محمد نگر‘ پنڈی بھٹیاں (علاقائی نمائندوں سے) فیروز والا، سرگودھا میں بچے اور بچی، قصور لڑکی، حافظ آباد میں 2 شادی شدہ خواتین کو کا نشانہ بنا دیا گیا۔ جبکہ لاہور کی 2 بہنوں کو ڈانس پارٹی کیلئے عارفوالہ بلا کر گینگ ریپ کیا گیا۔ عارف والا سے نمائندہ نوائے وقت کے مطابق لاہور کی رہائشی دو نوجوان بہنوں کے ساتھ اجتماعی زیادتی  کی گئی۔ سبزہ زار لاہور کی رہائشی لڑکیاں بذریعہ کار فنکشن  ڈانس پارٹی میں شرکت کے لئے عارفوالا آرہی تھیں۔ ساہیوال روڈ پر دلو والا پل کے قریب کار سوار مسلح افراد انہیں فنکشن پر جانے سے قبل تیاری کے بہانے چک 153 ای بی میں ایک خالی ڈیرہ پر لے گئے۔ جہاں ملزمان نے زبردستی دونوں بہنوں  کیساتھ زیادتی کی۔ پولیس تھانہ صدر نے مجید عرف بلا اور ماجد سمیت 12 نامعلوم افراد کے خلاف مقدمہ درج کر لیا۔ تھانہ سکھیکی کے علاقہ محلہ حاجی پورہ میں اوباش ملزم طارق نے گھر میں داخل ہوکر شادی شدہ خاتون کو  زیادتی کا نشانہ بنا ڈالا۔ پولیس نے ملزم طارق کو گرفتار کر لیا۔ جبکہ تھانہ سٹی حافظ آباد کے علاقہ محلہ رحمت آباد میں ملزم فرمان نے زبردستی گھر میں داخل ہوکر شادی شدہ خاتون کو زیادتی کا نشانہ بنا ڈالا۔ ملزم فرمان کو گرفتار کر لیا گیا۔ قصور سے نمائندہ نوائے وقت کے مطابق منڈی سٹاپ کھڈیاں کی رہائشی بائیس سالہ لڑکی نے پولیس میں درخواست دی  کہ دو روز قبل ملزم ادیب اور یاسین نامعلوم ساتھی کے ساتھ آئے مجھے زبردستی کار میں لے گئے اور چونیاں روڈ کے قریب چلتی گاڑی میں میرے ساتھ زیادتی کی۔ فیروز والہ سے نامہ نگار کے مطابق  نواحی آبادی ونڈالہ دیال میں اوباش نوجوان چاند نے 8 سالہ لڑکے سے زیادتی کر ڈالی۔ فیکٹری ایریا پولیس نے واقعہ کی اطلاع درج کر لی۔ سرگودھا سے نمائندہ  خصوصی کے مطابق چیز خریدنے آئی چھ سالہ بچی سے زیادتی کرتے دکاندار پکڑا گیا۔ خوشاب حسین آباد کے  علاقے احمد پورہ میں چھ سالہ بچی چیز خریدنے دکاندار محمد رؤف کے پاس گئی۔ پولیس تھانہ خوشاب نے دکاندار کو گرفتار کر لیا۔