لاہور (نیٹ نیوز) گلگت میں مسافر گاڑی پر فائرنگ کے نتیجے میں چھ افراد جاں بحق اور سات زخمی ہو گئے۔ ایس ایس پی گلگت کا بتانا ہے کہ مسافر گاڑی گلگت سے نلتر بالا جا رہی تھی کہ نامعلوم افراد کی جانب سے نلتر پائن میں آر سی سی پل کے قریب گاڑی پر فائرنگ کی گئی۔ پولیس حکام کے مطابق فائرنگ کے نتیجے میں کم از کم چھ افراد جاں بحق اور 7  زخمی ہوئے۔ زخمیوں کو گلگت ہسپتال منتقل کر دیا گیا۔  جاں بحق اور زخمیوں کا تعلق نلتر بالا سے ہے۔ پولیس نے علاقے کو گھیرے میں لیکر شواہد اکٹھے کرنا شروع کر دیئے ہیں۔