اسلام آباد (نامہ نگار)افغانستان ، چین ، ایران ، عراق ، پاکستان ، روس اور ترکی کے پارلیمنٹس کے سپیکرز کی چوتھی کانفرنس ترکی کے شہر اناتولیہ کانفرنس کے علامیہ پر اختتام پذیر ہوئی۔ سپیکر اسد قیصر کی تجویز پر بھارت کا پاکستان کے خلاف استعمال ہونے والے فیننشل ٹاسک فورس سے متعلق معاملات پر یکجا موقف اپنانے پر اتفاق کیا گیا۔سپیکر اسد قیصر کی تجویز پر کانفرنس میں تمام ریاستوں کو فنانشل ایکشن ٹاسک فورس  (ایف اے ٹی ایف) کی سیاست سے گریز کرنے کی ضرورت پر بھی زور دیا گیا، اس حکمت عملی کے تحت بھارت پاکستان کیخلاف مستقل طور پر کام کرتا ہے۔ اناتالیہ اعلامیے میں پاکستان کی تجویز بھی منظور کی گئی ہے کہ ترقی پذیر ممالک کے عوام کے لئے COVID-19 ویکسینوں کو سستی بنائی جانی چاہئے تاکہ حفاظتی ٹیکوں تک کمزور طبقات تک رسائی کو یقینی بنایا جاسکے۔پاکستان کے قومی اسمبلی کے سپیکر اسد قیصر نے 24-25 مارچ 2021 کو ترکی کے شہر اناتولیہ میں "دہشتگردی کے خلاف جنگ اور علاقائی رابطے کو مضبوط بنانے" کے سلسلے میں چوتھی اسپیکر کانفرنس میں شرکت کے لئے پارلیمانی وفد کی قیادت کی۔ وفد میں قومی اسمبلی اور سینیٹ کے ممبران شامل تھے۔ پاکستان کی قومی اسمبلی۔  افغانستان ، چین ، ایران ، عراق ، روس اور ترکی کے پارلیمانی وفود نے بھی کانفرنس میں شرکت کی۔پاکستان کے پارلیمانی وفد نے ترکی، افغانستان اور عراق کے پارلیمانی وفود کے ساتھ بھی ملاقاتیں کیں، جس میں علاقائی تعاون اور انضمام کو فروغ دینے کے اقدامات پر تبادلہ خیال کیا گیا۔ سپیکر قومی اسمبلی اسد قیصر کا کہا ہے کہا ہے کہ پاکستان خطہ میں امن و استحکام کیلئے اپنا تعاون جاری رکھے گا۔ انہوں نے کہا کہ دہشتگردی سب سے زیادہ مثاثر ہونے کے ناطے پاکستان اس ناسور کو جڑ سے اکھاڑ پھینکنے کے لئے پرعزم ہے۔ انہوں نے مزید کہا کہ دہشتگردی کے خلاف جنگ میں پاکستان کی جانب سے دی گء جانی اور مالی قربانیوں کی بدولت دہشتگردی کا خاتمہ ممکن ہوا۔ اسپیکر قومی اسمبلی اسد قیصر نے ان خیالات کا اظہار ترکی کے شہر اناتالیہ میں "دہشت گردی کے خلاف جنگ اور علاقائی رابطے کو مضبوط بنانے"کے بارے میں پارلیمنٹس کے اسپیکر کی چوتھی کانفرنس سے خطاب کرتے ہوئے کیا۔ اسپیکر اسد قیصر نے کانفرنس سے خطاب کرتے ہوئے کہا کہ مغرب میں بڑھتے ہوئے اسلامو فوبیا کی وجہ سے امت مسلمہ کو سیکیورٹی کے بے پناہ خطرات لاحق ہیں۔انہوں نے کہا کہ اس مسئلے سے نمٹنے کے لئے مشترکہ حکمت عملی وضع کی جانی چاہیے ۔ اسپیکر نے فلیگ شپ چین پاکستان اقتصادی راہداری منصوبے کے تحت پاکستان کی طرف سے جاری پیشرفت پر روشنی ڈالی۔ اسپیکر نے مقبوضہ جموں و کشمیر پر بھارتی ناجائز قبصہ کا ذکر کرتے ہوئے بھارتی افواج کے مظلوم اور نہتے کشمیری عوام پر ڈھائے جانے والے مظالم کو اجاگر کیا۔   اناتالیہ میں کانفرنس کے موقع پر ، اسپیکر اسد قیصر نے پاکستان کے پارلیمانی وفد کے ہمراہ ترک پارلیمنٹ کے اسپیکر پروفیسر ڈاکٹر مصطفی سینٹپ سے ملاقات کی گئی۔ ملاقات میں دونوں ممالک کے مابین موجودہ پارلیمانی تعلقات کو مستحکم کرنے کی حکمت عملی پر تبادلہ خیال کیا گیا۔سپیکر اسد قیصر نے اس اہم علاقائی پارلیمانی کانفرینس کی میزبانی کرنے پر ڈاکٹر مصطفی سینٹوپ کی تعریف کی۔