ٹوکیو  (پی پی آئی ) کورونا وائرس  کے سبب گزشتہ برس ملتوی کیے گئے ٹوکیو2020اولمپکس کی مشعل جاپان کے شہر فْوکْوشیما  میں روشن کردی گئی۔ 121 روز کے دوران 47ملکوں کا سفر کرکے یہ مشعل واپس ٹوکیو پہنچے گی۔واضح رہے کہ ٹوکیو اولمپکس کا انعقاد رواں برس 23 جولائی سے 8 اگست تک جاپان میں منعقد کیا جائے گا۔خیال رہے کہ کورونا وائرس کے باعث جاپان میں ہونے والے ٹوکیو اولمپکس 2020 ایک سال کے لیے ملتوی کردیا گیا تھا۔اس بات پر بھی اتفاق کیا گیا تھا کہ اولمپک مشعل جاپان میں ہی رہے گی اور اولمپک گیمز کا نام ٹوکیو اولمپک 2020 ہی رہے گا۔