راولپنڈی (پ ر) سری لنکن آرمی کے کمانڈر چیف آف ڈیفنس سٹاف جنرل شوندرا سلوا نے چیئرمین جوائنٹ چیفس آف سٹاف کمیٹی جنرل ندیم رضا سے جوائنٹ ہیڈ کوارٹرز میں ملاقات کی۔ انہیں آمد پر گارڈ آف آنر پیش کیا گیا۔ باہمی دلچسپی‘ پیشہ ورانہ امور‘ علاقائی سلامتی کی صورتحال‘ دفاعی تعاون بڑھانے پر تبادلہ خیال کیا گیا۔ جنرل شوندرا نے پاکستان آرمڈ فورسز کی پیشہ ورانہ مہارت کو سراہتے کہا دہشتگردی کیخلاف پاک فوج کی قربانیوں کو تسلیم کرتے ہیں۔ دریں اثناء برطانیہ کی سٹرٹیجک کمانڈ کے کمانڈر جنرل سر پیٹرک نکولس بھی جنرل ندیم رضا سے ملے۔ اور بدلتی جیوسٹرٹیجک صورتحال‘ سکیورٹی اور دفاعی تعاون بڑھانے سمیت اہم امور پر گفتگو کی۔