اسلام آباد(نا مہ نگار)پاکستان مسلم لیگ ن کے رہنما راناثنااللہ نے کہاہے کہ میرا کبھی چوہدری نثار سے رابطہ نہیں ہوا ہے، میرا اپنا اندازہ ہے کہ چوہدری نثار پی ٹی آئی میں شامل نہیں ہوں گے۔میڈیا سے گفتگو میں راناثنااللہ نے اپنے ایک بیان میں وزیر اعظم عمران خان پر تنقید کرتے ہوئے کہا ہے کہ یہ کنیٹر پر چڑھ کر بولتا تھا میں کل یہ کردوں گا، پرسوں وہ کردوں گا، ہفتے کو یہ ہو جائیگا بدھ کو وہ ہوجائے گا، یہ عادی مجرم ہے ایسی باتیں کرنیکا۔راناثنااللہ سے صحافی کی جانب سے سوال کیا گیا کہ وزیر اعظم کہہ رہے ہیں کہ سرپرائز دیں گے جس دن اِن کا جلسہ ہے۔جس کے جواب میں رانا ثنا اللہ کا کہنا تھا کہ یہ کنٹینر پر چڑھ کر 2014 میں روز سرپرائز دیتا تھا، کیاسرپرائز تھا اس کے پاس؟ کوئی سرپرائز نہیں ہے، لوگوں کودھوکا دینے کے لیے ایسی باتیں کر رہا ہے، اس نے سیاست کو کفر اسلام کی جنگ بنادیا ہے۔