انٹرکالجیٹ ٹی 20 کرکٹ ٹورنا منٹ میں سول لائنز کالج کامیاب

ملتان (جنرل رپورٹر)سڑوم فائیبر انٹر کالجیٹ ٹی20کرکٹ ٹورنامنٹ،سول لائنز کالج نے پیسیفک کالج کو 111 رنز سے ہرادیا تفصیل کے مطابق ٹورنامنٹ میں  کھیلے گئے میچ میں سول لائنز کالج ملتان نے عرفات منہاس کے شاندار 125 اور حسیب ناظم کے 49رنز کی بدولت چار وکٹوں کے نقصان پر 227رنز بنائے۔ عرفات منہاس کی ٹورنامنٹ میں دوسری سنچری تھی۔ پیسیفک کالج کی طرف سے محمد عبداللہ نے تین اور اسد نے ایک وکٹ حاصل کی۔بعد میں کھیلتے ہوئے پیسیفک کالج کی ٹیم سات کھلاڑیوں کے نقصان پر 116رنز بناسکی انکی جانب سے معین 52۔حسن نے 27رنز بنائے۔ سول لائنز کی طرف سے عبداللہ شاہ نے تین وکٹ حاصل کیں ۔