باہتر(نامہ نگار) عسکری و سیاسی شخصیت اور پاکستان تحریک انصاف ضلع اٹک کے مرکزی رہنماء و ممبر قومی اسمبلی میجر (ر) طاہر صادق خان کی دیار ِ غیر سے جاری کردہ خصوصی ہدایات پر عملدرآمد کے لیے ضلع بھر کی طرح اُن کے آبائی علاقہ نلہ میں بھی میجر طاہر گروپ سے وابستہ تمام مقامی رہنماء مکمل طور پر متحرک ہو گئے اور 27 مارچ کو اسلام آباد میں ہو نے والے وزیر اعظم پاکستان عمران خان کے تاریخی جلسے میں اپنی بھر پور شرکت کو یقینی بنانے کے لیے لائحہ عمل تیار کر لیا مقامی رہنمائوں یو سی باہتر سے شیخ عادل خورشید،یو سی جھنگ سے سابق چیئرمین عامر لیاقت خان ،یو سی جبی سے ملک علی شان ممتاز خان ،چوہدری مغل اور یو سی دھریک سے سردار بابر رضا خان کے علاوہ ڈاکٹر جمشید خان اور دیگر تمام مقامی رہنماء اپنے اپنے علاقوں سے ریلی کی صورت میں زین ہائوس باہتر پہنچیں گے ۔