اپنی مدد آپ کے تحت کمیٹی چوک میں رمضان سستا سہولت بازار

راولپنڈی (جنرل رپورٹر)اپنی مدد آپ کے تحت راولپنڈی کمیٹی چوک میں رمضان سستا سہولت بازار کا باقاعدہ آغاز کر دیا گیا جس میں سبزی، فروٹ،کریانہ اور دیگر گھریلو ضروریات زندگی کی تمام اشیاءمارکیٹ ریٹ سے کم کر کے عوام کو اس رمضان المبارک میں ذیادہ سے ذیادہ سہولت دینے کی کوشش کی گئی ہے اس طرح کے بازاروں سے نہ صرف ایک چھت کے نیچے تمام اشیاءضرور کی چیزیں بآسانی دستیاب ہو جاتی ہیں بلکہ ریٹ کم ہونے کی وجہ سے غریب اور پسماندہ طبقہ کے لوگ بھی رمضان کے اس بابرکت مہینے میں پھل،سبزی،گوشت اور دیگر گھریلو اشیاءخوردونوش با آسانی خرید سکتے ہیں، شیخ عبد الوہاب اور شیخ یامین نے بتایا کہ اپنی مدد آپ کے تحت لگانے جانے والے اس رمضان سہولت بازار کے لئے ہم تمام سٹال ہولڈرز ڈپٹی کمشنر کے مشکور ہیں جنھوں نے ہمیں یہ بازار لگانے کے اجازت دی ۔