کراچی(سپورٹس ڈیسک+ مانیٹرنگ ڈیسک) برطانیہ کے اینڈی مرے اور سربیا کی ایناث نے فرانچ اوپن ٹینس ٹورنامنٹ کے دوسرے رائونڈ کے لئے کوالیفائی کرلیا۔ پیرس میں جاری ٹورنامنٹ میں اینڈی مرے نے ارجنٹائن کے جوآن اگناشیوکرسٹریٹس میں چھ چار اور چھ دو سے شکست دی۔ ویمنز سنگز میں دفاعی چیمپئن اینا ایوانووچ نے اٹلی کی سارا ایرانی کو ہرایا۔ فرانس کے جائلز سائمن نے امریکہ کے وین اوڈیسنک کو شکست دی۔ روس کے مارٹ سافن بھی اپنا میچ جیت کر دوسرے رائونڈ میں پہنچ گئے۔ رولینڈ گیروس فرانس میں جاری گرینڈ سلیم ایونٹ کے ویمنز مقابلوں میں ورلڈ نمبر ون روسی سٹار دینارا سفینہ نے اینی کوتھاوان کو جبکہ نمبر 3 سیڈ وینس ولیمز نے بیتھن میٹک کو ہرادیا۔ ایک اور میچ میں جی ژینگ نے اسٹیفینی کو کورٹ بدر کیا‘ جبکہ آگنس سازوے نے کورنیا کے خلاف کامیابی اپنے نام کی۔ تمارین نے کامیلی پن کو 3 سیٹس کے میچ میں زیر کیا۔ ادھر مینز مقابلوں میں نکولے ڈیویڈنکولے سٹیفن کوبک کو شکست دیکر اگلے مرحلے میں جگہ بنالی۔ رابن سوڈرلنگ نے کیون کم کو مات دیدی۔ وکٹر ہنسکونے اسٹوڈرسس کو ہرادیا جبکہ روسی اسٹار میخائل یوزفنی نے گائلز ملر کوزیر کرکے ایونٹ کے دوسرے رائونڈ کیلئے سیٹ کنفرم کرلی۔ دوسری جانب ورلڈ نمبر ون مینز اسٹار رافیل نڈال اور سابق ورلڈ چیمپئن راجر فیڈرر کے پہلے رائونڈ کے مقابلے متوقع تھے۔