سینٹ کیٹس سے روانگی کے موقع پر کپتان مصباح الحق کا کہنا تھا کہ ویسٹ انڈیز سے دوسرا ٹیسٹ جیتنے کے بعد کھلاڑیوں کا مورال بلند ہے، کامیابی کا سلسلہ آئرلینڈ میں بھی جاری رکھنے کی کوشش کریں گے۔ پاکستان، آئرلینڈ کے خلاف ہفتے اورپیرکے روز دو ون ڈے میچزکی سیریز کھیلے گا۔ پاکستان اور آئرلینڈ کی ٹیموں کے درمیان صرف ایک میچ کھیلا گیا ہے جس میں آئرلینڈ نے پاکستان کو اپ سیٹ شکست دی تھی۔ دو ہزار سات کے ورلڈ کپ کے اس میچ میں شکست کی وجہ سے پاکستانی ٹیم پہلے راؤنڈ میں ہی مقابلے سے باہر ہوگئی تھی۔