آئندہ چوبیس گھنٹوں کے دوران صوبہ پنجاب، خیبرپختونخوا، کوئٹہ، شمال مشرقی بلوچستان اور کشمیر میں کہیں کہیں گرج چمک کے ساتھ بارش اور تیز ہوائیں چلنے کا امکان ہے جبکہ سندھ کے بعض اضلاع شدید گرمی کی لپیٹ میں رہیں گے۔ گزشتہ چوبیس گھنٹوں کے دوران ملک کے جنوبی علاقوں میں موسم خشک اور گرم رہا تاہم بالائی خیبرپختونخوا،پنجاب، شمال مشرقی بلوچستان، گلگت بلتستان اور کشمیر میں چند ایک مقامات پر گرج چمک کے ساتھ بارش ہوئی۔ محکمہ موسمیات کے مطابق گزشتہ روزسب سے زیادہ بارش پاراچنار میں اڑتیس ملی میٹر ریکارڈ کی گئی۔