کھمبوں سے چرائے تاروں سے لدی ٹرالی واپڈا ملازمین اور اہل دیہہ نے پکڑ کر پولیس کے حوالے کر دی

 حافظ آباد (نمائندہ نوا ئے وقت) حافظ آباد کے نواحی گاﺅں پنڈی باورے کے قریب مبینہ طور پر بجلی کے کھمبوں سے تار کاٹ کر ٹرالی میں لاد کر لے جانے کو کوشش کے دوران واپڈا ملازمین اور دیہاتیوں نے تاروں سے لدی ٹریکٹر ٹرالی پکڑ کر پولیس کے حوالے کر دی۔ تفصیلات کے مطابق یونس، خضر، حامد وغیرہ رات کے وقت بجلی کے کھمبوں سے مبینہ طور پر تاریں کاٹ کر ٹریکٹر ٹرالی پر لاد رہے تھے کہ اس دوران واپڈا ٹیم نے وہاں چھاپہ مارکر تاروں سے بھری ٹریکٹر ٹرالی قبضہ میں لے کر تھانہ ونیکے تارڑ پولیس کے حوالے کر دی۔