نئی دہلی (اے این این)آئی ایس آئی اور را کے دو سابق سربراہان کی کتاب کی لانچنگ ہوگئی، نئی دہلی میں تقریب کے دوران کشمیر سے متعلقبھارتی پالیسی کو کڑی تنقید کا نشانہ بنایا گیا۔سابق آئی ایس آئی چیف اسد درانی اور را کے سابق سربراہ اے ایس دولت کی بات چیت پر مبنی مشترکہ کتاب کی تقریب رونمائی نئی دہلی میں ہو ئی جس کے مہمان خصوصی سابق بھارتی وزیر اعظم منموہن سنگھ اورسابق نائب وزیر اعظم حامد انصاری تھے۔اسد درانی بھارتی ویزا نہ ملنے کے باعث تقریب میں شریک نہ ہوسکے۔ سابق بھارتی وزیر خارجہ یشونت سنہا نے کہا بھارت کشمیر میں طاقت کی پالیسی اختیار کئے ہوئے ہے، جو دانشمندانہ نہیں ۔سابق مشیر قومی سلامتی شو شنکر مینن نے کہا کہ شرم الشیخ میں پاکستان بھارت وزرائے اعظم کی ملاقات میں دہشت گردی کے خلاف مشترکہ حکمت عملی پر اتفاق ہو گیا تھا۔اے ایس دولت نے کہا انہیں پاکستان بھارت تعلقات میں بہتری کے سلسلے میں آئندہ سال بھارتی انتخابات سے قبل ہی پیشرفت کی توقع ہے۔
کتاب / رونمائی