کرکوک:داعش کے 8 بمباروں نے خودکواڑالیا،2 اہلکار ہلاک، 15زخمی

کرکوک (آئی این پی+اے ایف پی) عراقی شہر کرکوک میں داعش کے خلاف آپریشن مین سیکورٹی فورسز کے ہاتھوں 10دہشت گرد ہلاک ہو گئے۔ ریاض نامی قصبے کے جوار میں پولیس کارروائی کے دوران علاقے میں روپوش داعش کے دہشت گردوں کے ساتھ جھڑپ ہوئی۔انہوں نے بتایا کہ فائرنگ کا تبادلہ ہونے کے وقت ایک عورت سمیت 8 خودکش حملہ آوروں نے اپنے جسموں پر باندھے دھماکہ خیزمواد کو دھماکے سے ہوا میںاڑادیاجس کے نتیجے میں2 اہلکار ہلاک اور 15 زخمی ہوئے ہیں۔ عراقی ائرفورس نے شام میں داعش کے ٹھکانوں پر بمباری کی۔ عراقی کمیونسٹ پارٹی کے ہیڈکوارٹرز کے قریب 2 بم دھماکے ہوئے جس کے نتیجے میں3 افراد زخمی ہو گئے۔