راولپنڈی(اپنے سٹاف رپورٹر سے)تھانہ نیوٹائون کے علاقہ ڈبل روڈ پر موبائل چھین کر موٹرسائیکل پر فرار ہونے والے دو سٹریٹ کریمنلز نے مزاحمت پر ڈولفن فورس پر فائرنگ کر دی فائرنگ کے تبادلہ کے دوران ایک ڈاکو زخمی حالت میں گرفتار جبکہ دوسرا فرار ہو گیا ایس پی راول ضیاء الدین احمدجائے وقوعہ پہنچ گئے جہاں ایس ایچ او نیو ٹاؤن مرزا جاوید اقبال نے اپنی نفری کے ہمراہ بتایا کہ شہری نے ڈولفن ٹیم کو موبائل سنیچنگ کی اطلاع دی جس پر ڈولفن فورس نے موٹرسائیکل سوار ملزمان کا تعاقب کیا پولیس کو تعاقب کرتا دیکھ کے ملزموں نے فائرنگ شروع کر دی، فائرنگ کے تبادلہ کے دوران ایک ڈاکو زخمی حالت میں گرفتارکرلیا گیا،گرفتار ملزم کے قبضہ سے 3 موبائل فون اور پستول برآمد ہوا،زخمی ملزم کو ہسپتال منتقل کیا گیا ہے جسے شناخت پریڈ کیلئے جیل منتقل کیا جائے گا ۔