وفاقی وزیرریلوے  اعظم سواتی آج ملتان پہنچیں گے  

ملتان (سپیشل رپورٹر) وفاقی وزیر ریلوے اعظم سواتی آج سپیشل انسپکشن ٹرین پر شام چار بجے کے قریب ملتان کینٹ اسٹیشن پہنچیں گے جہاں ڈی ایس ملتان دفتر میں چیمبر آف کامرس کے عہدیداران سے ملاقات کریں گے بعدازاں آج رات ملتان میں رات گزاریں جس کے بعد کل بروز جمعرات ملتان سے انسپکشن کے لئے ملتان سے خانپور کے لئے روانہ ہوں گے جہاں جمعرات کی صبح 11 بجکر 40 منٹ پر چیمبر آف کامرس بہاولپور کے عہدیداران سے ملاقات کے بعد خان پور روانہ ہوں گے بعدازاں جمعرات کے روز ہی واپس ملتان آئیں گے جہاں رات ملتان گزاریں گے بعد ازاں جمعہ کے روز ملتان سے کندیاں تک ٹریک کی انسپکشن کریں گے اور راستے میں بھکر سمیت دیگر اسٹیشنوں کا بھی جائزہ لیں گے جبکہ بعد از انسپکشن راولپنڈی روانہ ہو جائیں گے۔