نوائے وقت کی خبر پر جرائم پیشہ کانسٹیبلز کلوز ٹو لائن 

علی پور ‘ علی والی (نمائندہ نوائے وقت‘ نامہ نگار ) تھانہ صدر علی پور میں تعینات پولیس اہلکار غازی پٹھان اور صفدر نائچ گزشتہ روز چوری اور ڈکیتی کے مقدمات میں ملوث ملزم کیساتھ ساز باز کر کے مدعیوں پر صلح کیلئے دباؤ ڈالنے کیلئے اور دکاندار کو جھوٹے مقدمہ میں پھنسانے کی غرض سے چرس رکھتے رنگے ہاتھوں پکڑے گئے تھے، جس پر دکاندار وں اور اہل علاقہ نے پولیس اہلکاروں کیخلاف احتجاج کیا اور نعرے بازی کی تھی۔ اس بارے ’’نوائے وقت‘‘ نے گزشتہ روز تفصیلی خبر شائع کی جس کا ڈی پی او مظفر گڑھ نے نوٹس لیتے ہوئے مذکورہ کانسٹیبلز کو کلوز ٹو لائن کردیا۔ انجمن تاجران نے کہا کہ ہم نوائے وقت کا شکریہ ادا کرتے ہیں جنہوں نے ہماری آواز  ڈی پی او مظفرگڑھ تک پہنچائیں ۔