چینی صدر کی پبلک سیکورٹی سسٹم کے ہیروز اور رول ماڈلزسے ملاقات

بیجنگ(شِنہوا)چینی صدر شی جن پھنگ نے بدھ کو ایک اجلاس کے نمائندوں سے ملاقات کی ،اجلاس میں پبلک سیکورٹی سسٹم  کے ہیروز اور رول ماڈلزکو سراہاگیا۔ کمیونسٹ پارٹی آف چائنہ(سی پی سی)کی مرکزی کمیٹی کے جنرل سیکرٹری اور مرکزی فوجی کمیشن کے چیئرمین صدر شی نے نمائندوں کو مبارکباد پیش کی اور ملک بھر کے پولیس اور معاون پولیس افسران کو تہہ دل سے مبارکباد دی۔ کمیونسٹ پارٹی آف چائنہ کی مرکزی کمیٹی کے پولیٹیکل بیورو کی قائمہ کمیٹی کے ارکان لی کھ  چھیانگ اور وانگ ہوننگ بھی اجلاس میں موجود تھے۔اس موقع پرشی نے شرکا سے خوشگوارتبادلہ خیال کیا اور عظیم عوامی ہال میں نمائندوں کے ساتھ تصویر کھنچوائی۔ کمیونسٹ پارٹی آف چائنہ کی مرکزی کمیٹی کے سیاسی بیورو کے رکن اور سی پی سی کی مرکزی کمیٹی کے سیاسی وقانونی امور کمیشن کے سربراہ گوو شینگ کھن نے اجلاس سے خطاب کیا۔انہوں نے ملک بھر کے پبلک سیکورٹی کے محکموں پر زور دیا کہ وہ قانون کی حکمرانی کے بارے میں صدر شی جن پھنگ کی سوچ ہرمکمل طور پرعملدرآمدکریں، اور پارٹی کے ساتھ وفاداری،عوامی خدمت ، قانون کے نفاذ میں غیر جانبدار رہنے اور سخت نظم و ضبط کے تقاضوں کو پورا کریں۔