عوام باشعور ‘ کھوکھلے نعروں ‘ جھوٹے دعوؤں سے آگاہ ہیں: قذافی بھٹی

شیخوپورہ (نامہ نگارخصوصی)مسلم لیگ (ن) کے رہنما وانجمن تاجران پرانا اڈا لاریاں روڈ کے چیئرمین قذافی بھٹی نے کہا ہے کہ عمران نیازی اپنے دور حکومت کی کارکردگی بتانے کی بجائے مخالفین کیخلاف الزامات لگا کر عوام کی توجہ اپنی نااہلی سے ہٹانا چاہتے ہیں عوام باشعور ہیں وہ عمران نیازی کے کھوکھلے نعروں اور جھوٹے دعوؤں سے اچھی طرح آگاہ ہیں عمران نیازی آج بھی وہی حربہ دھرا رہے ہیں جو برسر اقتدار آکر قوم کو اچھے دنوں کی طفل تسلیاں دیتے رہے، ان خیالات کا اظہار انہوں نے میڈیا  سے گفتگو کرتے کیا۔