شیخوپورہ : بیوٹی پارلرز ایسوسی ایشن کے انتخابات: ساجدہ پروین صدر منتخب

شیخوپورہ(نمائندہ نوائے وقت) بیوٹی پارلرز ایسوسی ایشن ضلع شیخوپورہ کے سالانہ انتخابات انجمن تاجران گلی حکیماں کے صدر خالد محمود مغل کی زیرنگرانی ہوئے جن میں منتخب ہونے والے عہدیداروں میں صدر ساجدہ پروین صلہ، جنرل سیکرٹری میڈم کرن اصغر، چیئرمین بشریٰ بخاری، سرپرست اعلیٰ زرتاج اختر زریں، سینئر وائس چیئرمین میڈم فاطمہ، وائس چیئرمین زیب النسائ، سینئر نائب صدر میڈم شمائلہ، نائب صدور عالیہ رشید، رضیہ بیگم، رمضانہ بیگم، جوائنٹ سیکرٹری افشاں علیم، فنانس سیکرٹری تطہیر زہرہ ہیر و دیگر عہدیدار شامل ہیں ، نومنتخب عہدیداروں سے وفاقی وزیر میاں جاوید لطیف ایم این اے نے حلف لیا اس موقع پر ایسوسی ایشن کی ارکان موجود تھیں، وفاقی وزیر جاوید لطیف نے حلف برداری کے موقع پر خطاب کرتے کہا کہ نواز لیگ خواتین کو قومی دھارے میں لانے کی سوچ رکھتی ہے اور اس کاز کی خاطر ہمیشہ بھرپور کردار ادا کیا گیا ہے۔