میانوالی، پاک فضائیہ کا تربیتی طیار  تباہ، پائلٹ پیراشوٹ سے اترنے میں کامیاب 

اسلام آباد(خبر نگار خصوصی) میانوالی کے قریب پاک فضائیہ کا تربیتی طیارہ گر کر تباہ ہو گیا، پائلٹ پیراشوٹ کے ذریعہ زمین پر اترنے میں کامیاب ہو گیا۔پاک فضائیہ کے ترجمان کے مطابق پاک فضائیہ کا تربیتی طیارہ معمول کے ٹریننگ مشن کے دوران میانوالی کے قریب گر کر تباہ ہو گیا۔ پائلٹ پیراشوٹ کے ذریعے زمین پر اترنے میں کامیاب ہو گیا۔ زمین پر کسی جانی و مالی نقصان کی اطلاع نہیں ملی۔ائیر ہیڈ کوارٹرز نے واقعے کی وجوہات جاننے کے لیے بورڈ آف انکوائری تشکیل دے دیا ہے۔