جنڈیالہ شیرخان(نامہ نگار)پیپلز پارٹی کے سینئر رہنما ملک وسیم رضا ڈوگر نے کہا ہے کہ چیئرمین بلاول بھٹو نے اپنی جمہوریت پسندی و ملکی خدمت کے جذبہ کے تحت قوم کے دل جیت لئے اور ثابت کر دیا کہ وہ کم عمری میں بھی ایک بڑے لیڈر ہیں، بلاول بھٹو زرداری خارجہ محاذ پر جو موثر کردار کررہے ہیں وہ اپنی مثال آپ ہے انہوں نے حالیہ چند دنوں میں ملکی خارجہ پالیسی کی سمت درست کردی ہے اور پاکستان کا بیرونی دنیا میں وقار بلند کیا ہے۔