بہارہ کہو  کے سیری چوک  میں نامعلوم افراد نے گھر میں گھس کرخواتین کو یرغمال بنا کر کمرے میں بند کر دیا ، سونے کی بالیاں زبردستی اتر وا لیں

ہتھیالئے اسلام آباد(اپنے سٹاف رپورٹر سے)ڈکیتی ، چوری کی وارداتوں میںشہریوں کو نقدی ، طلائی زیورات ،دو کاروں ، پانچ موٹر سائیکلوں سمیت قیمتی اشیاء سے محروم کر دیاگیاتھانہ بہارہ کہو کو راجہ محمد نعیم نے بتایا کہ سیری چوک میں نامعلوم افراد نے گھر میں گھس کرخواتین کو یرغمال بنا کر کمرے میں بند کر دیا اور سونے کی بالیاں زبردستی اتر وا لیں 5ہزار روپے چھین کر فرار ہو گئے، تھانہ ترنول کو محمد فاروق نے بتایا کہ سنگ جانی میں نامعلوم افراد نے موٹر سائیکل RIW-6100چھین لیا، تھانہ کھنہ کو محمد برہان نے بتایا کہ ڈھوک کالا خان میں نامعلوم موٹر سائیکل سواروں نے موبائل فون چھین لیا، تھانہ کھنہ کو محمد جنید نے بتایا کہ سوہان میں نامعلوم افراد نے دوکان میں داخل ہو کر 40ہزار روپے چھین لئے، تھانہ کھنہ کے علاقے سوہان سے تاج محمد خان کی کرولا کار AQG-546،تھانہ آبپارہ کے علاقے سے ملک اخلاق احمد اعوان کی کرولا کار LEA-6781،  تھانہ کوہسار کے علاقے بلیو ایریا سے راجہ محمد ارسلان کا ہنڈا125موٹر سائیکل اپلائیڈ فار،تھانہ آبپارہ کے علاقے سے محمد وسیم کا ہنڈا125موٹر سائیکل اپلائیڈ فار، تھانہ کراچی کمپنی کے علاقے سے عبدالقیوم قریشی کا موٹر سائیکل BJR-444، تھانہ آبپارہ کے علاقے جی سکس ون سے محمد عدنان شفیع کا موٹر سائیکل ACL-836، تھانہ آئی نائن کے علاقے ایچ نائن بازار سے شفقت اللہ کا موٹر سائیکل ہنڈا 70اپلائیڈ فار چوری ہو گئے۔