خان گڑھ( خبر نگار) بلدیہ خانگڑھ کی صفر کارکردگی سامنے آ گئی، ایک کروڑ مالیت کی سکرجیٹ مشین کی دوبیٹریاں چوری، مشین دو ماہ سے غیرفعال، صفائی نہ ہونے سے گٹر ابل پڑے ، سکرجیٹ مشین کی گاڑی گزشتہ دو ماہ سے بند کھڑی ہے  ذرائع کیمطابق تاحال لاکھوں روپے ماہانہ ہڑپ کرنے والے ذمہ داران نے نئی بیٹریاں گاڑی میں نصب نہیں کرائی ہیں جس کی وجہ سے سیوریج کی صفائی نہ ہونے سے گٹر ابل پڑے ہیں اور سیوریج کا گندہ پانی باہر نکل چکا ہے اور راہگیروں کا پیدل چلنا تک مشکل ہو چکا ہے عوامی حلقوں نے خطیرگرانٹ سے خرید کردہ سکرجیٹ مشین گاڑی کی بندش پر اظہارافسوس کرتے ہوئے کمشنر ڈیرہ غازی خان سے نوٹس لینے کا مطالبہ کیا ہے ۔