لاہور(سپورٹس رپورٹر) پاکستان کے سابق فاسٹ بائولر عمر گل مستقل طور پر افغانستان کے بائولنگ کوچ مقرر ہوگئے۔ پاکستانی فاسٹ بائولرز عمر گل نے اپریل میں پڑوسی ملک افغانستان کی قومی ٹیم کو متحدہ عرب امارات میں ٹریننگ کیمپ کیلئے جوائن کیا تھا لیکن اب وہ مستقل طور پر افغانستان کے بولنگ کوچ مقرر ہوگئے ہیں۔متحدہ عرب امارات میں کیمپ کے دوران افغان بائولرز ان کی رہنمائی سے خاصے خوش تھے، اسی لئے بورڈ نے مستقل طور پر ان کی خدمات حاصل کرنے کا فیصلہ کیا۔