لاہور(سپورٹس رپورٹر) پاکستانی سٹار اعصام الحق قریشی کی جوڑی کو فرنچ اوپن ٹینس ٹورنامنٹ کے مینز ڈبلز کے پہلے رائونڈ میں شکست ہوگئی ہے ۔ اعصام الحق قریشی اور الیگزینڈر ندویسوف کو ٹومی پال اور مکینزی میکڈونلڈ کی جوڑی نے تین چھ ‘چھ دو اور چھ تین سے شکست دی ۔ ویمنز سنگلزمیں برطانیہ کی ایما راڈو کانو کو بھی شکست ہوگئی ۔ انہیں بیلا روس کی الیکا سینڈرا سسنو وچ نے تین چھ ‘چھ ایک اور چھ ایک سے ہرا دیا ۔ مینز سنگلز میں گائلز سائمن نے پبلو کرینو بسٹا کو ‘جان اسنز نے گریگوری بریری کو ہرا دیا ۔ویمنز سنگلز میں انجلیق کربر نے ایسا جیکو موٹ کو‘وکٹوریہ آزارینکا نے اینڈریا پیٹکو وک کو شکست دیدی ۔