کراچی(نیٹ نیوز) روسی مال بردار بحری جہاز ”کرسٹل سینٹ پیٹرزبرگ“ پہلی بار تجارتی سامان لیکر کراچی پہنچ گیا۔ یہ جہاز روس سے کراچی بندرگاہ 21 دنوں میں پہنچا ، وزیر بحری امور فیصل سبزواری نے چیئرمین کے پی ٹی رضا زیدی اور روسی قونصل جنرل آندرے وکٹورووچ فیڈوروو کے ہمراہ جہاز کو بندرگاہ پر خوش آمدید کہا۔ اس موقع پر فیصل سبزواری نے اسے حکومت کی لینڈ مارک کامیابی قرار دیا اور کہا اس سے پاکستان کی تجارت کو روسی مارکیٹ میں براہ راست رسائی حاصل ہوگی۔فیصل سبزواری نے کہا کہ پاکستان اور روس کے درمیان دو طرفہ تجارتی تعلقات کے فروغ اور سنٹرل ایشائی اسٹیٹس سے بھی تجارتی تعلقات کو فروغ ملے گا۔
روسی جہاز