لاہور(سپورٹس رپورٹر)پاکستان کرکٹ ٹیم کے سابق بیٹنگ کوچ میتھیو ہیڈن نے کہا ہے کہ بابر اعظم ایک اچھے لیڈر ہیں ان کو ہی کپتان ہونا چاہیے۔ پاکستان کی ٹیم اس ورلڈ کپ کی خطرناک اور بہترین ٹیم ہے۔سابق آسٹریلوی بلے باز میتھیو ہیڈن کا کہنا تھا کہ پاکستان ٹی ٹونٹی سکواڈ ہمیشہ کی طرح ورلڈ کپ میں ڈارک ہارس کی طرح ہے۔ پاکستان کی فاسٹ بائولنگ بہت ہی اچھی ہے۔ شاہین، حارث، محمد عامر سمیت نسیم شاہ کی اس ورلڈکپ میں واپسی بہت اہم ہے۔ شاداب خان مڈل اوور میں اچھے سپنر ہیں اور پاور ہٹر بھی ہیں۔ بابر اعظم ایک اچھے لیڈر ہیں ان کو ہی کپتان ہونا چاہیے۔ محمد رضوان کیساتھ فخر زمان بہت ہی خطرناک بیٹر ہیں۔پاکستان کی فیلڈنگ اچھی نہیں رہتی، امید ہے اس مرتبہ اچھی پرفارمنس نظر آئیگی۔