لاہور(سپورٹس رپورٹر)4 ٹی ٹونٹی میچز کی سیریز کے دوسرے میچ میں انگلینڈ نے پاکستان کو  23 رنز سے شکست دیدی۔ ایجبسٹن سٹیڈیم میں کھیلے گئے میچ میں پاکستان نے ٹاس جیت کر پہلے فیلڈنگ کا فیصلہ کیا۔میزبان ٹیم نے7  وکٹوں پر 183 رنز بنائے۔کپتان جوز بٹلر نے 84رنز کی اننگز کھیلی ۔ ول جیک نے 37 ، جونی بیئرسٹو نے 21 اور فل سالٹ نے 13 رنز بنائے۔معین علی 4، کرس جارڈن 3 ، لیام لیونگسٹن 2 اور ہیری بروک نے ایک رن بنایا، جوفرا آرچر 12 رنز کیساتھ ناٹ آؤٹ رہے۔ شاہین شاہ آفریدی نے3 کھلاڑیوں کو آؤٹ کیا،عماد وسیم اور حارث رؤف نے 2 ،2 وکٹیں حاصل کیں۔184 رنز کے تعاقب میں پاکستانی ٹیم آخری اوور میں 160 رنز پر آؤٹ ہوگئی۔فخرزمان 45  اور بابراعظم 32 رنز بنا کر نمایاں رہے۔ افتخار احمد 23، عماد وسیم 22  اور اعظم خان نے 11 رنز بنائے۔ محمد عامر 5، شاداب خان 3 اور صائم ایوب 2 رن بناسکے، محمد رضوان صفر پر آؤٹ ہوئے۔جوز بٹلر کو میچ کا بہترین کھلاڑی قرار دیا گیا۔ پہلا میچ بارش کی نذر ہوگیا تھا،تیسرا میچ پرسوں کھیلا جائیگا۔