ورلڈکپ میں پہلی بار 3پاکستانی امپائر فرائض سرانجام دینگے 

 لاہور (سپورٹس ) دنیائے کرکٹ کے نامورپاکستانی ریٹائرڈ  امپائر علیم ڈار نے کہا ہے کہ ڈی آر ایس ٹیکنالوجی سے میں نے خود کو آرام دہ محسوس کیا۔ ایشز سیریز کی امپائرنگ میں پریشرکم ہوتا تھا اور پاکستان کے میچز میں پریشر زیادہ ہوتا تھا۔ ورلڈکپ کیلئے منتخب امپائر احسن رضا نے کہا کہ انٹرنیشنل کرکٹ میں ڈی آر ایس سے لوگوں کے شکوک کافی حد تک کلیئر ہوگئے، بطور امپائر ڈی آرایس ٹیکنالوجی کے بغیرتھوڑا بے چین محسوس کرتا ہوں، اگر کسی ڈومیسٹک میچ میں بھی پوری ٹیم اپیل کرتی ہے اور شک ہوتا ہے تو وہ ٹیکنالوجی دور کر دیتا ہے۔ میں ٹیکنالوجی کا مداح ہوں، جو شخص ذہنی طور پر مضبوط ہوتاہے وہی اچھا امپائر بنتاہے تاہم فیملی سپورٹ کے بغیر امپائرنگ نہیں کر سکتے۔ آصف یعقوب نے کہا کہ میرے لئے ورلڈکپ پہلا بڑا ایونٹ ہے جس کیلئے بہت پرجوش ہوں، آئی سی سی ایلیٹ پینل میں جگہ بنانا میری خواہش ہے۔  ورلڈکپ میں نیوٹرل ٹیمیں ہونے کی وجہ سے پریشر کم ہوتا ہے جبکہ ہوم سیریز میں پریشر زیادہ ہوتاہے۔ راشد ریاض نے کہا کہ کرکٹ کھیلتے وقت ہی فیصلہ کرلیا تھا امپائر بننا ہے۔