اٹک (نامہ نگار ) غریب رکشہ ڈرائیور کی بیوی سے طلائی زیورات چھیننے والا ملزم گرفتار، دوران تفتیش چھینے گئے زیورات برآمد، تفصیلات کے مطابق شاروز بیگ ولد اعجاز بیگ نے تھانہ سٹی اٹک پولیس کو درخواست دی کہ رکشہ ڈرائیور ہوں میری بیوی نے مجھے فون کر کے بتایا کہ کوئی نامعلوم شخص گھر میں داخل ہوا اور زبردستی زیب تن کیے ہوئے زیورات اور نقد رقم چھین کر فرار ہو گیا، تھانہ سٹی اٹک پولیس نے مقدمہ درج کر کے تفتیش عمل میں لاتے ہوئے ملزم محمد عمیر ولد عبدالقیوم سکنہ محلہ شاہ فیصل اٹک شہر کو گرفتار کر لیا دوران تفتیش ملزم کے قبضہ سے طلائی زیورات برآمد کر لیے گئے۔