لاہور میں سوئی سدرن کے ہفتہ وار شیڈول کے مطابق سی این جی سٹیشنز آج سے جمعرات تک کیلئے بند ہیں۔ شہر کے مختلف علاقوں میں شیڈول سے کئی گھنٹے پہلے متعدد سی این جی سٹیشن بند کر دیے گئے۔ گیس نہ ملنے سے گاڑی مالکان کو شدید پریشانی کا سامنا کرنا پڑا۔ دوسری جانب پریشر کم ہونے کے باعث سوئی سدرن نے لاہوراورشیخوپورہ میں گھریلو صارفین کیلئے گیس کی فراہمی کل تک کے لیےبند کر دی ہے۔ گیس کی بندش سے شہریوں کو شدید مشکلات کا سامنا کرنا پڑ رہا ہے۔ سوئی نادرن حکام کے مطابق سردیوں میں گیس ہیٹر اور گیزرز کے زیادہ استعمال سے پریشر میں کمی آئی ہےجس کی وجہ سے انتہائی اقدام کیا گیا ہے۔