دھرمپورہ جمخانہ نے اپالو کرکٹ کلب کو 20 رنز سے شکست دیدی

لاہور (سپورٹس رپورٹر) دھرمپورہ جمخانہ نے اپالو کرکٹ کلب کو 20 رنز سے شکست دیدی۔ دھرمپورہ جمخانہ نے پہلے کھیلتے ہوئے مقررہ 20 اوورز میں 209 رنز بنائے۔ افتخار احمد نے 70، عمر خان نے 52 اور وقاص اشرف نے 47 رنز بنائے۔ اپالو کلب کے زین نے چار، اسد نے 2 کھلاڑیوں کو آؤٹ کیا۔ جبکہ  اکبر نے 52 رنز ، مہدی شاہ نے 43 رنز بنائے۔ حافظ عمر نے 51 رنز بنائے۔ دھرمپورہ جمخانہ کی طرف سے سید علی نقی شاہ نے  5 کھلاڑیوں کو پویلین کی راہ دکھائی۔ جمیل بابر نے 33 رنز دے کر 3 کھلاڑیوں کو آؤٹ کیا۔ نعیم سلیم نے 40 رنز دے کر 2 کھلاڑی آؤٹ کئے۔ سید علی نقی شاہ کو مین آف دی میچ کا ایوارڈ دیا گیا۔