امریکہ کی پانچ ریاستوں میں شدید برفانی طوفان، 13 افراد ہلاک، شاہراہیں بند

واشنگٹن (اے پی پی) امریکہ کے جنوب مغرب میں آنے والے موسم ِسرما کے بڑے برفانی طوفان کے باعث کم از کم 13 افراد ہلاک ہوگئے ہیں۔طوفان سے شاہراہیں بند ہوگئیں۔  ذرائع ابلاغ کے مطابق ہلاکتوں کی یہ تعداد امریکہ کی متاثرہ 5 جنوبی ریاستوں سے لی گئی ہے۔ڈیلاس فورٹ ورتھ انٹرنیشنل ائر پورٹ پر تین سو سے زائد پروازیں منسوخ کر دی گئیں۔  امریکی محکمہ موسمیات نے خبردار کیا ہے کہ یہ طوفان آئندہ کئی روز تک بھی جاری رہیگا۔