لاہور (نامہ نگار) حساس ادارے کی ٹیم نے کراچی میں ٹارگٹ کلنگ، بھتہ خوری اور اغوا برائے تاوان سمیت دیگر سنگین نوعیت کی وارداتوں میں ملوث مزید 2 ٹارگٹ کلرز کو گرفتار کر لیا۔ ذرائع کے مطابق حساس ادارے کی ٹیم نے ٹارگٹ کلرز محمود انصاری اور اسلم عرف ڈاکٹر کو ٹھوکر نیاز بیگ سے گرفتار کیا۔ واضح رہے حساس ادارے نے 23 نومبر کو ٹھوکر نیاز بیگ سے تین ٹارگٹ کلرز ندیم عرف ملا، طارق اور فہیم کو گرفتار کیا تھا۔ مزید دو ٹارگٹ کلرز کی گرفتاری ندیم عرف ملا کی نشاندہی پر عمل میں لائی گئی ہے۔ حساس ادارے کی ٹیم نے گرفتار ٹارگٹ کلرز کو تفتیش کے لئے نامعلوم مقام پر منتقل کر دیا ہے۔
چھاپہ / ٹارگٹ کلرز