لندن (بی بی سی + اے ایف پی + رائٹر) مصر صحرائے سینا کے شمالی علاقے میں پولیس چیک پوسٹ پر شدت پسندوں کے حملے میں 12 فوجی ہلاک ہو گئے ہیں۔ فوج کے مطابق حملے میں ملوث تین حملہ آور بھی مارے گئے جبکہ باقی فرار ہونے میں کامیاب ہو گئے ہیں۔ ایک دوسرے واقعے میں شدت پسندوں نے گھات لگا کر 12 فوجیوں کو زخمی کر دیا۔ ذمہ داری تاحال کسی گروہ نے قبول نہیں کی ہے۔ شدت پسندوں نے چیک پوسٹ پر دو گرنیڈ داغے اور فائرنگ شروع کر دی۔