;;راستے بند ہونے کی وجہ سے لاہور اور گوجرانوالہ میں کئی باراتیں پھنس گئیں

لاہور گوجرانوالہ (سپیشل رپورٹر+ نمائندہ خصوصی) ان دنوں شادیوں کا سیزن چل رہا ہے گزشتہ روز کئی باراتیں دوسرے شہروں سے لاہور آئی تھیں۔ جبکہ کئی لاہور سے باہر گئیں۔ دوپہر کے بعد جی ٹی روڈ، موٹروے بند ہونے کے باعث درجنوں باراتیں پھنس گئیں جو رات گئے تک لاہور آنے کیلئے راستے کھلے ہونے کے بارے میں تصدیق کرتے رہے۔ گوجرانوالہ سے نمائندہ خصوصی کے مطابق احتجاج کے باعث دو باراتیں بھی پھنس گئیں باراتیں سیالکوٹ اور گجرات سے لاہور جا رہی تھیں مظاہرین نے باراتیوں کو راستہ دینے سے انکار کر دیا جس کے باعث دونوں دولہے اور ان کے عزیزواقارب سخت پریشانی سے دوچار رہے۔ ٹرینوں کی آمدورفت معطل ہونے سے ملتان کا رہائشی دولہا کراچی میں بارات سمیت پریشان ہو گیا ۔ ریلوے انتظامیہ ٹکٹ ریفنڈ کرنے میں بھی ٹال مٹول سے کام لیتی رہی۔
باراتیں