زون III’بی‘ ڈویثرن لیگ‘ محسن کی 180رنز کی اننگز ‘گذری فائٹر فتحیاب

کراچی (اسپورٹس رپورٹر) محسن علی کی دھواں دھار سنچری نے گذری فائٹر کو ظہیر ربانی سی سی پر 160رنز کی فتح دلاکر کے سی سی اے زونIII’بی‘ ڈویثرن لیگ میں فتحسے ہمکنار کردیا۔ محسن علی اور آصف علی نے تیسری وکٹ پر 91رنز کی رفاقت قائم کی۔ کینٹ اسپورٹس کو رہبر اسپورٹس کیخلاف ایک وکٹ سے کامیابی حاصل ہوئی۔ محمدابراہیم اور محمد غفران نے چوتھی وکٹ پر 71رنز کی شراکت داری بنائی۔گذری فائٹر نے تمام وکٹوں پر 263رنز کا مجموعہ اسکو ربورڈ پر آویزاں کیا۔ محسن علی نے 110گیندوں کا سامنا کیا اور 180اررنز کی دھواں دھار اننگز کھیلی۔ آصف علی نے 28رنز بنائے۔وقاص احمد نے 14، عاشق علی نے 11رنز بنائے۔ 4کھلاڑی بغیر کوئی رن بنائے پویلین لوٹے۔ ذیشان فیروز اور عبدالرحمن نے 2,2 محمد سمیر، اورنگزیب اور محمد زبیر کو ایک ایک وکٹ ملی۔ظہیر ربانی کی اننگز کا اختتام 24ویں اوورز میں 103رنز پوہوا ۔ ذیشان فیروز نے 23، سکندر خان نے 17، اسد شاہ نے 10رنز بنائے۔ شہزاد احمد نے 21رنز دے کر 4کھلاڑیوں کو نشانہ بنایا۔ فہد حسین نے 2 سمیر چانڈیو، آصف علی ا، راشد اور عمران علی کوایک ایک وکٹ ملی۔ دوسرے میچ میں رہبر اسپورٹس نے 8وکٹوں پر 159رنز کا ٹوٹل بنایا۔ محمد غفران نے 39اور محمد ابراہیم نے 35رنز اسکور کئے دونوںکھلاڑیوں نے چوتھی وکٹ کیلئے 71رنز جوڑے۔ اعجاز مغل نے 28اور شہباز احمد نے 22رنز اسکور کئیمحمد بلاول نے 22رنز کے عوض 3، رجب نے 35رنز پر 2جبکہ شاہ رخ ا، حرب اور محمد محفوظ کو ایک ایک وکٹ ملی۔ کینٹ اسپورٹس نے مطلوبہ ہدف سنسنی خیز مقابلے کے بعد 34ویں اوورز میں 9وکٹوں پر 160رنز بنا کر حاصل کرلیا۔ فیصل نے 28، شاہ رخ نے 26اور حرب نے 23رنز کی اننگز کھیلی۔ اویس نے 3 محمد غفران کو اور علی نے 2,2وکٹیں باہم تقسیم کیں۔