کراچی(اسپورٹس رپورٹر)سندھ اسپورٹس بورڈ علامہ اقبال اسپورٹس فیسٹیول میں ٹیبل ٹینس گرلز اینڈ بوائز سنگلز کے فائنل میں ماریہ تعظیم نے عتیقہ خان اور فرقان پٹیل نے عطا عباس کو شکست دے کر فاتح ٹرافی اپنے نام کر لی، سندھ اسپورٹس بورڈ کمپلیکس ناظم آباد میں ہونے والے اس ٹورنامنٹ کے گرلز مقابلوں میں ماریہ تعظیم اور عتیقہ خان کے درمیان سخت مقابلہ ہوا جسے ماریہ تعظیم نے جیت کر چیمپیئن ہونے والے حاصل کیا جبکہ بوائز فائنل میں مقابلہ فرقان پٹیل اور عطا عباس کے درمیان ہوا جسے فرقان پٹیل نے جیت کر چیمپین کا تاج اپنے سر پر سجایا۔ بعد ازاں مہمان خصوصی ایس ایم سبطین نے جاوید حیات، انجم حسین زیدی اور سلیم احمد کے ہمراہ فاتح کھلاڑیوں میں ٹرافیز اور نقد انعامات تقسیم کئے۔